حوزہ نیوز ایجنسی کی رپورٹ کے مطابق، جعفریہ الائنس پاکستان کے ترجمان علامہ باقر زیدی نے گلگت بلتستان کے نوجوانوں کی پراسرار گمشدگی پر گہری تشویش کا اظہار کرتے ہوئے ان جوانوں کی بازیابی کے لیے ضمیر عباس چوک گلگت میں دیئے گئے احتجاجی دھرنے کی بھرپور حمایت اعلان کیا ہے اور حکومت و قانون نافذ کرنے والے اداروں سے گلگت سمیت ملک بھر کے لاپتہ شیعہ نوجوانوں کی فوری بازیابی کا مطالبہ کیا ہے۔
انہوں نے کہا کہ اگر کسی شخص پر کوئی الزام ہے تو اسے قانون کے سپرد کریں، مگر یوں بے دردی سے غائب کر دینا نہ صرف انسانی حقوق کی توہین ہے، بلکہ آئینِ پاکستان کی بھی صریح خلاف ورزی ہے۔
انہوں نے مزید کہا کہ جعفریہ الائنس پاکستان گلگت سمیت ملک بھر کے دیگر شیعہ لاپتہ افراد کی فوری بازیابی کا پُرزور مطالبہ کرتی ہے۔
آپ کا تبصرہ